Auður Haralds

Auður Haralds (f. 11. desember 1947, d. 2. janúar 2024) var íslenskur rithöfundur. Fyrsta skáldsaga hennar, Hvunndagshetjan: þrjár öruggar aðferðir til að eignast óskilgetin börn árið 1979, vakti mikla athygli sem opinská grátbrosleg lýsing á hlutskipti kvenna við upphaf ákveðins kafla í kvennabaráttu á Íslandi. Hún fylgdi henni eftir með Læknamafían 1980 og Hlustið þér á Mozart? 1982.

Skömmu síðar komu út fimm bækur hennar um Elías sem byggðu á innslögum sem hún skrifaði fyrir Stundina okkar, sem Sigurður Sigurjónsson lék, og unglingabókin Baneitrað samband á Njálsgötunni. 1987 kom svo út: Ung, há, feig og ljóshærð.

Ritverk

• 1979 - Hvunndagshetjan: þrjár öruggar aðferðir til að eignast óskilgetin börn
• 1980 - Læknamafían - Lítil pen bók
• 1982 - Hlustið þér á Mozart?
• 1983 - Elías
• 1984 - Elías í Kanada
• 1985 - Elías á fullri ferð
• 1985 - Baneitrað samband á Njálsgötunni
• 1986 - Elías, Magga og ræningjarnir
• 1987 - Elías kemur heim
• 1987 - Ung, há, feig og ljóshærð
• 1994 - Aðdragandi (smásaga í Tundur dufl)
• 2007 - Litla rauðhærða stúlkan
• 2022 - Hvað er Drottinn að drolla? (birtist upphaflega á stafrænu formi á vefnum Strik.is árið 2000)